ŞAİR OLMAĞIMA BİR ÖMÜR QALIB
Kenan Aydınoğlu

  Sayı: 102 -

Tweetle

Bilmirəm,nə üçün doğulmuşam mən,

Əldə kündə olub yoğrulmuşam mən.

Çox çətin günlərdən yorulmuşam mən,

Şair olmağıma bir ömür qalıb.

Kədəri sevinclə görəndə birgə,

Bəxtimin üstünə düşəndə kölgə,

Gülüb şadlananda böyük bir ölkə,

Şair olmağıma bir ömür qalıb

Dünyanın sirrini aça bilmədim,

Dərdlərin əlindən qaça bilmədim.

Nə qol-qanad açıb uça bilmədim,

Şair olmağıma bir ömür qalıb.