Şeir
Hüseyn Arif

  Sayı: 109 -

Tweetle

De kimə lâzımdır, nəyə gərəkdir,

Dostların könlünə yatmayan şeir!

Fəhlənin ruhunu qanadlandırıb,

Alimin ağlına batmayan şeir.

Yayın dağ ətrini, dəniz ətrini,

Qızılgül, göy sünbül, nərgiz ətrini,

Yaşarmı-torpağın təmiz ətrini,

Göylərin ətrinə qatmayan şeir!

Yaxında alışıb, uzaqda yansın,

Tüstüdə boğulub, ocaqda yansın,

Kitabda alışıb, varaqda yansın,

Bu evdən o evə çatmayan şeir.