KÖVRƏK XATİRƏLƏRİN ÜSTÜNƏ GETMƏ
Sevinc HƏMZƏYEVA

  Sayı: 115 -

Tweetle

Kövrək xatirələrin üstünə getmə

Hələ üzərindən yel də keçməyib

Nə illər bacardı, işə yaradı

Nə də duyğuları ölüb bitməyib

Yenə həmin baxış, yenə həmin söz

Sənin gözlərindən süzülən sevgi

Yenə həmin nəğmə, yenə həmin köz

Qəlbimin telinə hörülən sevgi

Nə nəğməsi susub, nə şeiri bitib

Donub sükûtunun pərdələrində

Yol çəkən gözümün kökündə itib

Yanır aram – aram sənin hicrində