Danış
Hüseyn Arif

  Sayı: 109 -

Tweetle

Ey hərdən mənimlə üzbəüz olan,

Şəri bir yana qoy, xeyirdən danış.

Dərəyə, təpəyə salma özünü,

Laləli, nərgizli bir yerdən danış.

Öyüb yaxınını, söymə yadını,

Sınama hər yerdə qol-qanadını,

İki yüz şairin çəkmə adını,

Bircə ürək açan şeirdən danış.

Hanı sellər kimi coşub çağlayan

Sözün qüdrətini ellərə yayan

Hüseyni torpağa, suya bağlayan,

Arzudan, əməldən, fikirdən danış.